Вардар се враќа триумфално од Охрид

По третпат сезонава Вардар го победи Охрид во меѓусебните дуели во првенството. Во првиот меч од плејофот “црвено-црните“ триумфираа на гости во Охрид со 27-23 (15-12) и остануваат на првото место на табелата.

Вардар имаше одличен почеток и крај, и кога беше потребно ја зачува предноста што ја имаше во текот на целиот натпревар.

Вардар тргна силно и уште на самиот почеток направи предност од 4-1 по што тренерот на домашните Горан Андоновски беше приморан да побара тајмаут. Охрид се обиде да смени во напад, да игра со седум играчи во пол, но и тоа не им донесе предност, бидејќи по грешка на нападот на Охрид, празниот гол го погоди Филип Талески. Во 18 минута Гоце Георгиевски му го донесе највисокото водство на актуелниот шампион, 8-2, а веднаш потоа Мартин Томовски ја оствари седмата успешна интервенција.

Вториот дел од првото полувреме, домашните го искористија за брзи голови, и полека да ја намалат разликата која дојде до три гола, 12-9 во 27 минута. Со голот на Стефан Дрогришки од пенал во последната секунда, Охрид намали на 15-12.

Во второто полувреме во 38 минута преку Гоце Георгиевски, Вардар имаше „плус 5“ и водство од 18-13. Но, потоа следуваше период на пад на концентрацијата и тоа го искористи Охрид кој направи серија од 7-3 со што дојдоа до негатива од 20-21.Тоа беше момент кога Владо Недановски побара тајмаут.

Зголеми Вардар на 23-21, а во 55 минута домаќините намалија на 22-24. По два напади прокоцкаа двата тима, а потоа Куни Моралес со еден проектил зголеми на 25-22 како најава и потврда на победата.

Филип Талески постигна 8 гола, а Дејан Манасков 5 гола.

СТАТИСТИКА ОД МЕЧОТ: Ohrid – Vardar 23-26