Победа против Тиквеш како роденденски подарок за Дутра

Бразилецот Леонардо Дутра го прослави роденденот со триумф на неговиот тим, 35-25 против Тиквеш во 6. коло од плејофот. Вардарци остануваат лидери на табелата со максимални 21 бод, но и со најдобра гол разлика во лигата (+53).

По пауза од речиси 1,5 месец во тимот се врати и пивотменот Милан Лазаревски, а од стандардниот состав сега ги немаше Борко Ристовски и Велко Марковски. Шанса да играат добија Васил Гогов и Ален Ќосевски. Само неколку денови по дербито со Еурофарм Пелистер сега за Вардар повторно дојде дуел на кој требаше да освојат бодови за да го задржат лидерското место.

Вардар мораше да игра до самиот крај со максимална концентрација за да триумфира против Тиквеш. На крајот разликата беше „плус 10“, но дури во средината на второто полувреме Вардар успеа резултатски да се одлепи, и потоа сигурно и рутинирано да стигне до триумф

Но, мечот почна со предност на Вардар од 5-2, како најава за „лесен меч“. Но, гостите брзо се вратија и откако израмнија на 6-6, тргна играта „гол за гол“. Тиквеш знаеше да ги искористи своите шанси и д аги казни нашите грешки, и поведе прво со 9-8, а потоа и 12-10. Во самата завршница на првото полувреме Вардар прво израмни на 14-14, а потоа и поведе со 15-14. Аднад Хамзиќ израмни во 29 минута на 15-15.

Се до 38 минута Тиквеш беше во игра, а резултатот 20-18. Потоа Вардар имаше убава серија за водство од 27-19 по што веќе беше јасно дека нема да може да направат изненадување. Следуваше период на рутинска завршница.

Во следното коло Вардар гостува кај Алкалоид со што завршува првиот дел од плејофот.

Статистика од средбата: – Vardar – Tikves 35-25
Фото-галерија од средбата