Вардар го продолжи договорот со Васил Гогов до 2027 година

РК Вардар потпиша нов договоро со македонскиот голман Васил Гогов и тој ќе остане дел од „црвено-црните“ најмалку до јуни 2027 година. Актуелниот договор на Гогов истекува во јуни 2026, но клуб задоволен од неговите настапи веднаш реши да му понуди продолжување.

Гогов, кој од 2019 година е дел од Вардар веќе неколку сезони е дел од првиот тим, сериозно се наметна како важен дел од голманската линија на Вардар. Во изминатата сезона доби сè поголема минутажа, што ја оправдува со доби настапи.

„Васил покажа дека има квалитет и карактер за Вардар. Неговиот напредок е очигледен и со нетрпение очекуваме да продолжи да расте во нашиот дрес,“ соопштија од клубот.